ყაზახეთის პრეზიდენტმა Kaspi.kz-ის ქართველი თანადამფუძნებელი, მიხეილ ლომთაძე მედლით დააჯილდოვა

ყაზახეთის პრეზიდენტმა Kaspi.kz-ის ქართველი თანადამფუძნებელი, მიხეილ ლომთაძე მედლით დააჯილდოვა

ყაზახეთის პრეზიდენტმა Biz Birgemiz-ის ონლაინ ფორუმზე ბანკ Kaspi.kz-ის ქართველი თანადამფუძნებელი, მიხეილ ლომთაძე მედლით დააჯილდოვა.

აღსანიშნავია, რომ საგანგებო მდგომარეობის პირობებში Kaspi.kz-ს მეშვეობით, ყაზახეთში 500,000-ზე მეტ ოჯახს ჰქონდა იმის საშუალება, რომ ესარგებლა კურიერით და სახლიდან გაუსვლელად შეესყიდა საყოფაცხოვრებო პროდუქტები.

ამასთან ერთად, Kaspi.kz-ს დამფუძნებლებმა, მიხეილ ლომთაძემ და ვიჩესლავ კიმმა, კორონავირუსის 100,000 ტესტი შეისყიდეს და ლაბოროტორიებს გადასცეს.

Kaspi ყაზახეთში დაფუძნებული ერთ-ერთი ბანკია, მისი სათავო ოფისი ალმათში მდებარეობს. ბანკის აქციონერები არიან: კიმ ვიაჩესლავი – აქციების 38,16%-ით, ფონდი Baring Vostok-ი – აქციების 28,84%-ით, მიხეილ ლომთაძე – აქციების 29%-ით და Goldman Sachs – აქციების 4%-ით.

2019 წელს ბანკის მოგებამ 156.7 მილიარდი ტენგე შეადგინა (დაახლოებით 389 483 491 აშშ დოლარი), ხოლო ბანკის აქტივებმა 2 ტრილიონ 76 მილიარდ ტენგეს მიაღწია.

გასულ წელს, ლონდონის საფონდო ბირჟაზე ბანკი 5 მლრდ დოლარად იყო შეფასებული.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *