რაში ხარჯავენ ყველაზე მეტ თანხას ტურისტები?

რაში ხარჯავენ ყველაზე მეტ თანხას ტურისტები?

საქართველოს სტატისტიკის ეროვნულმა სამსახურმა (საქსტატი) საქართველოში შემოსული ტურისტების სტატისტიკური მაჩვენებლები გამოაქვეყნა. საქსტატის ინფორმაციის თანახმად, 2018 წლის მე-2 კვარტალში უცხოელმა ვიზიტორებმა საქართელოში 1.9 მილიარდი ლარი დახარჯეს, რაც 31.5%-ით აღემატება გასული წლის მე-2 კვარტლის მაჩვენებელს. ვიზიტორის მიერ ერთი ვიზიტის დროს გაწეული საშუალო ხარჯი 1 144 ლარია, რაც გასული წლის მე-2 კვარტლის საშუალო მაჩვენებელზე 15.5%-ით მეტია.

ტურისტები საშუალოდ ყველაზე მეტ თანხას საკვებზე და სასმელზე ხარჯავენ, დაახლოებით 309 ლარს, რაც მთლიანი დანახარჯის 27%-ია. შემდეგ მოდის განთავსებაზე დანახარჯი, საშუალოდ 253 ლარით და გართობაზე დანახარჯი 211 ლარით. ყველაზე ნაკლებ თანხას კი ძვირფასი ნივთების შეძენაზე და ადგილობრივ ტრანსპორტში ხარჯავენ.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.