რონალდუ Trump Tower-ში აპარტამენტს $10-მილიონიანი ზარალით ყიდის

რონალდუ Trump Tower-ში აპარტამენტს $10-მილიონიანი ზარალით ყიდის

კრიშტიანუ რონალდუ Trump Tower-ში აპარტამენტს დაახლოებით $10-მილიონიანი ზარალით ყიდის. ამის შესახებ გამოცემა The Sun-ი წერს.

ფეხბურთელმა 232 კვ/მ-ის ფართობის აპარტამენტი 2015 წელს $18.5 მილიონად შეიძინა. 2019 წელს კი ის გასაყიდად $9 მილიონად მას შემდეგ გამოიტანა, რაც გულშემატკივრებმა მას მოუწოდეს, ყველანაირი კავშირი გაეწყვიტა აშშ-ის ყოფილ პრეზიდენტ დონალდ ტრამპთან. პანდემიის კრიზისისა და დაბალი მოთხოვნის გამო კი რონალდუს ფასის დამატებით შემცირება მოუწია, შედეგად ის აპარტამენტს $7.75 მილიონად ყიდის.

როგორც გამოცემა Insider-ი წერს, რონალდუს აპარტამენტის დიზაინის ავტორი ცნობილი ხუან პაბლო მონინოა, რომელიც „მაქსიმალიზმის“ სტილითაა ცნობილი. აპარტამენტი სამ საძინებელს მოიცავს, და ის გამოირჩევა 360-გრადუსიანი ხედებით ნიუ-იორკის ცენტრალურ პარკზე.

ცნობისთვის, როგორც UrbanDigs-ის 2021 წლის იანვრის უძრავი ქონების ანალიზიდან ირკვევა, ტრამპის უძრავმა ქონებამ მანჰეტენზე 20%-იანი კლება განიცადა მას შემდეგ, რაც ტრამპი აშშ-ის პრეზიდენტად აირჩიეს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.