ცუკერბერგი კომპანიების ბოიკოტის გამო $7 მილიარდით გაღარიბდა

ცუკერბერგი კომპანიების ბოიკოტის გამო $7 მილიარდით გაღარიბდა

მარკ ცუკერბერგმა მას შემდეგ, რაც მსხვილმა კომპანიებმა Facebook-ზე რეკლამის განთავსებას ბოიკოტი გამოუცხადეს, $7 მილიარდი დაკარგა. მისი ქონება ამჟამად Bloomberg-ის მონაცემებით, $82.3 მილიარდს შეადგენს.

გარდა ამისა, გასული პარასკევის მონაცემებით, Facebook-ის აქციები 8,3%-ით დაეცა.

Facebook-ზე რეკლამის განთავსებაზე უარი თქვა Verizon-მა, Unilever-მა, Hershey-მ და სხვა კომპანიებმაც. მათ სოციალურ ქსელს სიძულვილის ენის გავრცელებაში ადანაშაულებენ. გარდა ამისა, Coca-Cola-ში განაცხადეს, რომ ისინი მინიმუმ 1 თვით აჩერებენ რეკლამირებას ყველა სოციალურ ქსელში. თუმცა, ეს არ არის ბოიკოტის ნაწილი.

როდემდე გაგრძელდება ბოიკოტირება და საბოლოოდ რა დაუჯდება ეს ცუკერბერგს, ეს ალბათ უახლოეს კვირებში გახდება ცნობილი.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.