ცნობილი სახეები Forbes-ის მილიარდერების 2025 წლის რეიტინგში

ცნობილი სახეები Forbes-ის მილიარდერების 2025 წლის რეიტინგში

მსოფლიოში ცნობილ ადამიანთა უმრავლესობამ მილიარდერის სტატუსი ბოლო ათწლეულში მოიპოვა. მათი სიმდიდრის უდიდესი ნაწილი ძირითადად ანტრეპრენიორულ საქმიანობას უკავშირდება, ამასთან ერთად კი მათივე ინდუსტრიის შეცვლილ ეკონომიკას, რაც, მათ შორის, სპორტში ხელფასებისა და მარკეტინგული ჩართულობის ზრდას გულისხმობს.

შესაბამისად, ამერიკული Forbes-ის მსოფლიოს უმდიდრეს ადამიანთა ყოველწლიურ რეიტინგში ცნობილ სახეთა რაოდენობაც იზრდება. გასულ წელს რეიტინგში სულ 14 ასეთი წევრი გვხვდებოდა, რომელთა კოლექტიური ქონება $31 მილიარდს შეადგენდა, წელს კი მათი რიცხვი 18-მდეა გაზრდილი. 2025 წლის სიაში შესული ცნობილი სახეების ჯამური სიმდიდრე $39 მილიარდს უტოლდება.

Forbes-ის რეიტინგის ახალწვეულებს შორის არიან ჯერი სეინფელდი ($1.1 მილიარდი), არნოლდ შვარცენეგერი ($1.1 მილიარდი) , ვინსენტ მაკმაჰონი ($3 მილიარდი) და ბრიუს სპრინგსტინი ($1.2 მილიარდი). აღსანიშნავია ისიც, რომ რეიტინგში შემავალი მილიარდერების უმრავლესობა, 16 პირი, ამერიკის შეერთებული შტატებიდანაა და მხოლოდ ორი –  რიანა და პიტერ ჯექსონი არიან, შესაბამისად, ბარბადოსისა და ახალი ზელანდიის წარმომადგენლები.

მილიარდერ ცნობილ სახეთა შორის უმდიდრესი ამერიკელი ოსკაროსანი კინორეჟისორი და პროდიუსერი სტივენ სპილბერგია. 78 წლის სპილბერგის ქონებას ამერიკული Forbes-ი $5.3 მილიარდად აფასებს, შემდეგ მოდის „ვარსკვლავური ომებისა“ და „ინდიანა ჯონსის“ შემქმნელი ჯორჯ ლუკასი, $5.1 მილიარდით და NBA-ის ყოფილი კალათბურთელი მაიკლ ჯორდანი, $3.5 მილიარდით.

წარმოიდგენთ Forbes-ის რეიტინგში შემავალ ცნობილ სახეებს:

  1. სტივენ სპილბერგი – $5.3 მილიარდი (საერთო სიაში – 673)
  2. ჯორჯ ლუკასი – $5.1 მილიარდი (700)
  3. მაიკლ ჯორდანი – $3.5 მილიარდი (1,045)
  4. ოპრა უინფრი – $3 მილიარდი (1,219)
  5. ვინსენტ მაკმაჰონი – $3 მილიარდი (1,219)
  6. ჯეი-ზი – $2.5 მილიარდი (1,462)
  7. კიმ კარდაშიანი – $1.7 მილიარდი (2,019)
  8. პიტერ ჯექსონი – $1.7 მილიარდი (2,019)
  9. ტეილორ სვიფტი – $1.6 მილიარდი (2,110)
  10. მეჯიქ ჯონსონი – $1.5 მილიარდი (2,233)
  11. ტაილერ პერი – $1.4 მილიარდი (2,356)
  12. ტაიგერ ვუდსი – $1.4 მილიარდი (2,356)
  13. რიანა – $1.4 მილიარდი (2,356)
  14. ლებრონ ჯეიმსი – $1.3 მილიარდი (2,479)
  15. ბრიუს სპრინგსტინი – $1.2 მილიარდი (2,623)
  16. დიკ ვულფი – $1.2 მილიარდი (2,623)
  17. არნოლდ შვარცენეგერი – $1.1 მილიარდი (2,790)
  18. ჯერი სეინფელდი – $1.1 მილიარდი (2,790)