აშშ–ის უნივერსიტეტებმა 2015 წელს რეკორდული რაოდენობის შემოწირულობები მიიღეს

აშშ–ის უნივერსიტეტებმა 2015 წელს რეკორდული რაოდენობის შემოწირულობები მიიღეს

ამერიკულმა უმაღლესმა სასწავლებლებმა 2015 წელს რეკორდული მოცულობის შემოწირულობები მიიღეს – 40,3 მილიარდი დოლარი. Bloomberg-ის ინფორმაციით, ფულადი სახსრების გარდა, უნივერსიტეტებმა საჩუქრად ხელოვნების ნიმუშები და იშვიათი წიგნებიც მიიღეს.

273 სასწავლო დაწესებულების შესწავლის შედეგად გაირკვა, რომ სტენფორდის და ჰარვარდის უნივერსიტეტები კიდევ ერთხელ გახდნენ რეკორდსმენები ყოველწლიური შემოწირულლობების რეიტინგში,  სტენფორდის უნივერსიტეტმა 1,63 მილიარდი დოლარი მიიღო, მათ შორის 2 შემოწირულობა 100–მილიონი დოლარიანი, რომლებიც სამედიცინო ცენტრის, 2 საავადმყოფოს და მედიცინის კოლეჯის მხარდაჭერისთვის იყო  განკუთვნილი.  ჰარვარდის უნივერსიტეტმა 2015 წელს 1,1 მილიარდი დოლარის შემოწირულობა მიიღო.

2015 წელს აშშ–ის უმაღლეს სასწავლებლებში შესული შემოწირულობების ჯამი წინა წელთან შედარებით 7,6%ით გაიზარდა.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.