Bank of America: COVID-19-ის ვაქცინის გამოჩენით ბირჟებზე ტექკომპანიების ბატონობაც დასრულდება

Bank of America: COVID-19-ის ვაქცინის გამოჩენით ბირჟებზე ტექკომპანიების ბატონობაც დასრულდება

მსოფლიო COVID-19-ის ვაქცინას მოუთმენლად ელის, რათა გლობალურ ეკონომიკას გასაქანი მიეცეს და პრეპანდემიურ მონაცემებს დაუბრუნდეს. თუმცა, საფონდო ბირჟის ინვესტორები ვაქცინის ბაზარზე შემოსვლას სხვა კუთხით უყურებენ.

Bank of America-ს განცხადების მიხედვით, COVID-19-ის საწინააღმდეგო წარმატებული ვაქცინა ბაზარზე ტექნოლოგიური კომპანიების ბატონობას წერტილს დაუსვამს და საპროცენტო განაკვეთებსაც გაზრდის.

აღსანიშნავია, რომ უსაფრთხოების მიზნით რეგულაციების დაწესების შემდეგ (მარტიდან მოყოლებული), დიდი ტექნოლოგიური კომპანიები, როგორებიცაა Apple-ი, Facebook-ი, Microsoft-ი და Amazon-ი, ბაზრის ყველაზე მომგებიანი აქციების მეპატრონეები გახდნენ. მეორე მიზეზი, თუ რატომაც მიიწევენ წინ აღნიშნული კომპანიები, დაბალი საპროცენტო განაკვეთებია.

COVID-19-ის საწინააღმდეგო ვაქცინა ეკონომიკურ აქტივობას დიდ გასაქანს მისცემს, რაც საპროცენტო განაკვეთებს გაზრდის და ტექკომპანიების აქციებს სხვა აქტივებთან შედარებით ნაკლებად მიმზიდველს გახდის.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *