სარეიტინგო სააგენტო Fitch-მა საქართველოს ნავთობისა და გაზის კორპორაციის რეიტინგი გააუმჯობესა და გრძელვადიანი რეიტინგი უცხოურ ვალუტაში (IDR) BB- დონეზე პოზიტიური პროგნოზით მიანიჭა. აქამდე, GOGC-ს პროგნოზი სტაბილური იყო.
საქართველოს ნავთობისა და გაზის კორპორაციის 100%-იანი წილის მფლობელი სახელმწიფო საინვესტიციო ფონდი “საპარტნიორო ფონდია”.
რეიტინგის პროგნოზის გაუმჯობესების ერთ-ერთ მიზეზად Fitch კორპორაციის ფინანსურ მაჩვენებლებს ასახელებს. კერძოდ, გასულ წელს GOGC-ს შემოსავლები 6%-ით გაიზარდა და 672 მლნ ლარი შეადგინა.
