ისტორიაში ყველაზე ხანგრძლივი ხელის ჩამორთმევა

ისტორიაში ყველაზე ხანგრძლივი ხელის ჩამორთმევა

10 დეკემბერს, თბილისში ხელის ჩამორთმევის მსოფლიო რეკორდი დამყარდა. 35 წლის თურქმა მსახიობმა დენის ბარიშმა და სომხური პანტომიმის თეატრის 32 წლის მსახიობმა ოგანეს აჯინიანმა აქცია The Longest Handshake-ს ფარგლებში, ხელის ჩამორთმევის ხანგრძლივობით გინესის რეკორდი დაამყარეს. აქცია თურქეთსა და სომხეთს შორის ურთიერთობის აღდგენას მიეძღვნა. აჯინიანი და ბარიში ერთმანეთს ხელს 43 საათის განმავლობაში ართმევდნენ.

აქცია The Longest Handshake TANGO Network-ის მხარდაჭერით ჩატარდა, რომელიც სომხურ და თურქულ არასამთავრობო ორგანიზაციებს აერთიანებს. მისი მიზანია სომხეთსა და თურქეთს შორის ნორმალური ურთიერთობების აღდგენა.

აჯინიანის და ბარიშის მიერ დამყარებულმა მიღწევამ 2011 წელს ნიუ-იორკში დაფიქსირებულ რეკორდს 25-წუთით აჯობა. მთელი ღონისძიების განმავლობაში ინტერნეტში მოვლენის ადგილიდან პირდაპირი ტრანსლაცია მიმდინარეობდა და ყველა მსურველს შეეძლო ეყურებინა, წვიმის, ქარისა და სიცივის მიუხედავად (ღამით ჰაერის ტემპერატურა მინუს 3 გრადუსამდე დაეშვა) როგორ განაგრძობდნენ აჯინიანი და ბარიში ხელის ჩამორთმევას.

 

 
დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.