მაისში ექსპორტი 31 პროცენტით, ხოლო იმპორტი 34 პროცენტით შემცირდა

მაისში ექსპორტი 31 პროცენტით, ხოლო იმპორტი 34 პროცენტით შემცირდა

საქართველოს სტატისტიკის ეროვნული სამსახურის წინასწარი მონაცემებით 2020 წლის მაისში 2019 წლის მაისთან შედარებით, საქართველოდან საქონლის ექსპორტი 31%-ით (103 მლნ დოლარით), ხოლო იმპორტი 34%-ით (260 მლნ დოლარით) შემცირდა. 2020 წლის მაისში საქართველოს საქონლის ექსპორტმა 234 მლნ დოლარი, ხოლო იმპორტმა 497 მლნ დოლარი შეადგინა.

ივნისის უარყოფითი სავაჭრო ბალანსი -263 მლნ დოლარია, რაც 2019 წლის მაისის უარყოფით ბალანსზე 157 მლნ დოლარით ნაკლებია.

ხუთი თვის ჯამში, 2020 წლის იანვარ-მაისში ექსპორტი 16%-ით, ხოლო იმპორტი 17%-ით შემცირდა. სავაჭრო ბრუნვა 17%-ითაა შემცირებული. ხუთი თვის უარყოფითი სავაჭრო ბალანსი -1 735 მლნ დოლარია, გასული წლის ხუთ თვეში -2 106 მლნ დოლარი იყო.

აპრილის საგარეო ვაჭრობის დეტალური მაჩვენებლები 19 ივნისს გამოქვეყნდება.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.