როგორ გაიზარდა საქართველოს და მსოფლიოს ქვეყნების ეკონომიკები ბოლო 10 წელში

როგორ გაიზარდა საქართველოს და მსოფლიოს ქვეყნების ეკონომიკები ბოლო 10 წელში

ნაურუს, ეთიოპიის, თურქმენეთის, კატარის, ჩინეთისა და უზბეკეთის ეკონომიკები ბოლო 10 წელია მსოფლიოში ყველაზე სწრაფად იზრდება.  საერთაშორისო სავალუტო ფონდის მონაცემებზე დაყრდნობით, Global Finance-მა ბოლო 10 წელში, მსოფლიოს ყველაზე სწრაფად და ნელა მზარდი ქვეყნები გამოავლინა. 

ნაურუს ეკონომიკურმა ზრდამ ბოლო 10 წელში საშუალოდ 16% შეადგინა. მსოფლიოში ორნიშნა ეკონომიკური ზრდის მიღწევა ბოლო წლებში მხოლოდ რამოდენიმე სახელმწიფომ შეძლო. ასე მაგალითად, სიაში ნომერ მეორე ქვეყნის ეთიოპიის მშპ-ს ზრდის ტემპმა 2008 წლიდან 2017 წლის ჩათვლით 9,8% შეადგინა. მსოფლიოს ნომერ მეორე ეკონომიკის ჩინეთის მშპ-ს ზრდის ტემპი კი ორნიშნა ბოლოს 2010 წელს იყო, ხოლო 10 წლის საშუალო მაჩვენებელმა 8.2% შეადგინა. 

ბოლო 10 წელში ყველაზე სწრაფად შემდეგი ქვეყნების ეკონომიკები გაიზარდა: 

ნუარუ – 16%

ეთიოპია  – 9.8%

თურქმენეთი – 9.5%

კატარი – 8.2%

ჩინეთი – 8.2%

უზბეკეთი – 8%

საქართველოს ეკონომიკურმა ზრდამ ბოლო 10 წელში საშუალოდ 3,5% შეადგინა და ამ მაჩვენებლით ქვეყანა მსოფლიოში 82-ე ადგილზეა.

წლების მიხედვით საქართველოში მშპ-ს ზრდის ტემპი IMF-ის მონაცემებით, შემდეგი იყო:

2008: 2,4%

2009: -3.7%

2010: 6.2%

2011: 7.2%

2012: 6.4%

2013: 3.4%

2014: 4.6%

2015: 2.9%

2016: 2.7%

საქართველო ამ მაჩვენებლით უსწრებს აზერბაიჯანს, სადაც მშპ-ს ზრდის ტემპი 2008 წელს 10.8% იყო, ბოლო ორი წელია კი ქვეყანა ეკონომიკურ სტაგნაციას განიცდის და საბოლოოდ 10 წელში საშუალოდ აზერბაიჯანის ეკონომიკა 3,1%-ით გაიზარდა. საქართველოს კიდევ ერთ მეზობელ სომხეთში, 10 წლის საშუალო ეკონომიკური ზრდა 1,8% იყო, რუსეთში 0,9%, თურქეთში კი 4,5%.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *