საერთაშორისო სავალუტო ფონდის ინფორმაციით, 2015 წელს საქართველოში ერთ მოსახლეზე საშუალო წლიურმა შემოსავალმა 3 789 დოლარი შეადგინა. აღნიშნული მაჩვენებლით, საქართველოს მსოფლიოში 116-ე ადგილი უჭირავს. ფულის მსყიდველობითი უნარის (PPP) გათვალისწინებით კი, 2015 წელს ერთ მოსახლეზე საშუალო შემოსავალი 9 630 დოლარი იყო, რითაც მსოფლიოს ქვეყნების რეიტინგში 108 ადგილზე ვართ (გასულ წელსაც 108-ზე ვიყავით).
ერთ სულ მოსახლეზე შემოსავალი (PPP) ყველაზე მაღალი ყატარაშია – 132 000 დოლარი, მეორე ადგილზეა ლუქსემბურგი 99 000 დოლარით. ყველაზე ღარიბი ქვეყანა ცენტრალური აფრიკის რესპუბლიკაა წლიური 630 დოლარით. ბოლოდან მეორეზეა კონგოს დემოკრატიული რესპუბლიკა 770 დოლარით.
საქართველოს მეზობელ ქვეყნებში შემდეგი სურათია: რუსეთი – 25 400 დოლარი, თურქეთი – 20 400 დოლარი, აზერბაიჯანი – 18 000 დოალრი, სომხეთი – 8 470 დოლარი, უკრაინა – 7 520 დოლარი.
ცხრილი – ერთ მოსახლეზე ყველაზე მაღალი შემოსავლის მქონე ქვეყნები 2015 წელს:
| ქვეყანა | დოლარი |
1 | ყატარი | 132099 |
2 | ლუქსემბურგი | 98987 |
3 | მაკაუ | 98135 |
4 | სინგაპური | 85253 |
5 | ბრუნეი | 79587 |
6 | კუვეიტი | 70166 |
7 | ნორვეგია | 68430 |
8 | არაბთა გაერთ. ემირატები | 67617 |
9 | სან მარინო | 63104 |
10 | შვეიცარია | 58551 |
