29 მარტს Forbes Georgia – 2025 წლის ქალთა კონფერენციას უმასპინძლებს. Forbes Women Conference 2025 ლიდერი ქალების გაძლიერებასა და მათი მიღწევების წარმოჩენას მიეძღვნება. ღონისძიება ერთ სივრცეში მოუყრის თავს წარმატებულ ქალებს, რომლებიც საქართველოს მომავალს ქმნიან.
კონფერენციის მიზანი იმ ქალების წარმოჩენაა, რომლებიც სხვადასხვა სფეროში ტრანსფორმაციული ცვლილებების სათავეში დგანან. ღონისძიების გენერალური პარტიორია გასტრონომი. ღონისძიების მხარდამჭერი პარტნიორები არიან: ლურჯი ოკეანე, Lab Technologies, რედბული, სარაჯიშვილი, Progress American Schools, Efes, UN Women, სტარტაპ ბიურო.
ღონისძიების ფორმატი
ღონისძიება Publica-ს საკონფერენციო სივრცეში ჩატარდება და 19:00 საათზე გაიხსნება. უშუალოდ კონფერენცია ორ სცენას მოიცავს: PechaKucha Night Stage (პრეზენტაციები) და Forbes Women Stage (პანელური დისკუსიები).
PechaKucha პრეზენტაციის ცნობილი ფორმატია, რომელიც უმეტესად სურათებზე ორიენტირებულ, დინამიკურ თხრობას გულისხმობს. PechaKucha-ს ფარგლებში 6 ანტრეპრენიორი ქალი ისაუბრებს საკუთარი ბიზნესისა და პროფესიული გამოცდილების შესახებ.
მეორე სცენა Forbes Women-ის ორ პანელურ დისკუსიას დაეთმობა, რომელშიც მონაწილეობას საქართველოს ყველაზე გავლენიანი ლიდერი ქალები მიიღებენ.
პირველი პანელის მთავარი თემები ლიდერობა, ინოვაციები და თვითგანვითარება იქნება.
მეორე პანელის მთავარი თემაა “ქალები ტექნოლოგიებში” — გამოწვევები, ინოვაციები, მომავლის ტრენდები.
ვის იხილავთ Women in Tech პანელურ დისკუსიაზე?
მარიამ ლეკვეიშვილი — ინოვაციების მენეჯერი | Theneo | საოპერაციო დირექტორი
მარიამ ლეკვეიშვილი ინოვაციების მენეჯერია, ფოკუსით ხელოვნურ ინტელექტზე. მან ინოვაციების მენეჯმენტი გოლდსმიტში, ლონდონის უნივერსიტეტში შეისწავლა, სადაც მისი მიმართულება ხელოვნური ინტელექტის მდგრადი გამოყენება იყო. ამჟამად ის ხელოვნური ინტელექტით გაძლიერებული წარმატებული ქართულ-ამერიკული სტარტაპის, Theneo-ს საოპერაციო დირექტორია.
ანნა კაჭიური — Lab Technologies | მფლობელი და აღმასრულებელი დირექტორი
ანნა კაჭიური უკვე 10 წელია მართავს Lab Technologies-ს, რომელიც საქართველოში ერთ-ერთი წამყვანი IT ინტეგრატორი კომპანიაა. მისი ხელმძღვანელობით ლაბ ტექნოლოჯიმ წარმატებით განახორციელა არაერთი მსხვილი პროექტი და ხელი შეუწყო სხვადასხვა ბიზნესის განვითარებას თანამედროვე ტექნოლოგიებთან ადაპტირებაში. ორგანიზაციების ტექნოლოგიური განვითარების გარდა, მისი კომპანია ხელს უწყობს ახალგაზრდების კარიერულ ზრდას და ყოველწლიურად ახორციელებს ანაზღაურებადი სტაჟირების პროგრამას იმ სტუდენტებისთვის, რომელთაც სურთტექნოლოგიურ სამყაროში პირველი პროფესიული ნაბიჯების გადადგმა.
ანნა ასევე არის WEPs-ის ერთ-ერთი ხელმომწერი და აქტიურად მონაწილეობს გაეროს ქალთა ორგანიზაციის სხვადასხვა პროექტებში. იგი არის ბიზნესფედერაცია “ქალები მომავლისთვის” წევრი და ხშირად გასცემს რეკომენდაციებს ქალების როლსა და მნიშვნელობაზე IT ინდუსტრიაში.
იაკო ჯიქია — Helio.AI | თანადამფუძნებელი
იაკო ჯიქია ყოფილი პროფესიონალი ჩოგბურთელია, რომელმაც ფინტექის სფეროში აღმასრულებელი პოზიციიდან სტარტაპ ეკოსისტემაში გადაინაცვლა. არის ინოვაციური AI პროდუქტის, Helio.AI-ის შემქმნელი, რომელიც 6 ქვეყანაში 300-ზე მეტ ბრენდს უადვილებს რეკრუტირების პროცესს.
თამარ გაგნიძე — Metaviu.io | დირექტორი
თამარს ტექნოლოგიურ პროდუქტების განვითარებაზე მუშაობის 13-წლიანი გამოცდილება აქვს როგორც სტარტაპ ეკოსისტემაში, ისე — ენტერპრაის კომპანიებში. მუშაობდა სტრატეგიულ პოზიციებზე. მათ შორის, მონაცემთა ანალიტიკაზე დაფუძნებული ინოვაციური გადაწყვეტილებების შექმნასა და ბიზნეს პროცესების ოპტიმატიზაციაზე AI ტექნოლოგიების გამოყენებით. ამჟამად არის კომპანია Metaviu-ს CEO, რომლის მიზანიც Roblox-ის პლატფორმაზე ციფრული საგანმანათლებლო თამაშების შექმნით სკოლამდელი განათლების ტრანსფორმაციაა.
პანელის მოდერატორი Forbes Georgia-ს საოპერაციო დირექტორი, ანინა ტეფნაძე იქნება.
პანელური დისკუსიის შემდეგ საღამო ნეთვორქინგით გაგრძელდება Publica-ს სივრცეში, After Party კი Plus One-ში გაიმართება.
საღამოს არაფორმალურ ნაწილზე შეძლებთ, რომ Alfreda Stieglitz-ის სელექციას მოუსმინოთ. Alfreda უკვე რვა წელია, Mzesumzira-ს რეზიდენტია. აქვს ძალიან დიდი ფონოტეკა და საკუთარ მუსიკალურ სელექციას ხშირად უკრავს სხვადასხვა ტიპის ღონისძიებაზე.
ბილეთების შეძენა შეგიძლიათ აქ:
