თანამედროვე სტანდარტების კერძო საცხოვრებელი უბანი „წავკისი პანორამა“ თავისუფლების მოედნიდან 7 წუთის სავალზე, ეკოლოგიურად სუფთა გარემოში მდებარეობს. პროექტი, რომელშიც ₾30 მილიონზე მეტის ინვესტიცია ჩაიდო, დაგეგმილზე თითქმის ორი წლით ადრე დასრულდა და საოცნებო სახლებში საცხოვრებლად მობინადრეებს ელის.
„წავკისი პანორამაზე“ მუშაობა 2021 წელს დაიწყო, რაც, პირველ რიგში, გენერალური გეგმის შემუშავებას და ურბანული თვალსაზრისით სივრცის სწორად დაგეგმარებას მოიცავდა. „განაშენიანების გეგმაზე მუშაობისას ჩვენი მთავარი მიზანი რეკრეაციული ბუნების შენარჩუნება, სივრცის ჰარმონიული განვითარება და არსებულ გარემოსთან ინტეგრირება იყო“, – აცხადებს Forbes Georgia-სთან საუბრისას „წავკისი პანორამის“ მმართველი პარტნიორი, გეგი ვასაძე.
![](https://forbes.ge/wp-content/uploads/2023/08/gegi-vasadze-1.jpg)
„წავკისი პანორამა“ ქალაქის გადატვირთული და დამღლელი ურბანული გარემოდან თავის დაღწევის მსურველებს თბილისის ცენტრის სიახლოვეს, სახლიდან გაუსვლელად, ეკოლოგიურად სუფთა გარემოთი და პანორამული ხედებით ტკბობის შესაძლებლობას აძლევს.
უბანი 13 ჰექტარს მოიცავს, სადაც 98 ინდივიდუალური მიწის ნაკვეთია. კომუნიკაციები თითოეულ ნაკვეთამდეა მიყვანილი, გარდა ამისა ტერიტორიაზე გაკეთებულია ასფალტირებული გზა. „მაქსიმალურად შევეცადეთ, მჭიდრო დაგეგმარება თავიდან აგვერიდებინა და თითოეული მოსახლისთვის დიდი სივრცე გამოგვეყო“, – გვეუბნება გეგი ვასაძე და ამის დასტურად დასძენს, რომ „წავკისი პანორამაში“ მიწის ნაკვეთების ფართობი 1,000-დან 1,300 კვადრატულ მეტრამდე მერყეობს.
პანორამული ხედების ყველა მოსახლისთვის უზრუნველსაყოფად და უბნის კონცეფციის შესანარჩუნებლად კომპანიამ გარკვეული სტანდარტები დააწესა, მათ შორის სახლების სართულების რაოდენობასთან და ერთნაირ ღობეებთან დაკავშირებით. „წავკისი პანორამაში“ აცხადებენ, რომ, ერთი მხრივ, ეს შეზღუდვაა, თუმცა უბნის მაცხოვრებლებისთვის ერთიანი ეკომეგობრული გარემოს შექმნას უწყობს ხელს.
როგორც უკვე აღვნიშნეთ, „წავკისი პანორამის“ კონცეფციის მთავარი ინსპირაცია, მის გამორჩეულ მდებარეობასა და პანორამულ ხედებთან ერთად, რეკრეაციული ბუნების შენარჩუნება და გაუმჯობესება იყო. უბანში სარეკრეაციო ზონას მთლიანობაში 1.5 ჰექტარი ტერიტორია ეთმობა. „ალბათ ამის ანალოგს მსგავსი ტიპის პროექტებში ვერ შევხვდებით“, – აღნიშნავს „წავკისი პანორამის“ მმართველი პარტნიორი.
აქ მოწყობილია ველობილიკები და 1,000 მეტრი სიგრძის სასეირნო ხეივანი. ამასთან ერთად, „წავკისი პანორამაში“ ასაკობრივად დაყოფილი ბავშვთა გასართობი სივრცეები, ქვიშის მოედანი, სასრიალოები,კალათბურთისა და ფეხბურთის მოედნებია.
თავდაპირველ გეგმაში გათვალისწინებული არ იყო, თუმცა კომპანიამ „წავკისი პანორამის“ მაცხოვრებლებისთვის დამატებითი კომფორტის შესაქმნელად და რეკრეაციული ზონის გასამდიდრებლად პროექტში ხელოვნური ტბა დაამატა. უბანში ჯანსაღი ცხოვრების წესის ხელშეწყობის კიდევ უფრო გასაზრდელად კი პადელის მოედანი მოაწყო.
გარდა კომპანიის მიერ მოწყობილი მწვანე ზონებისა, „წავკისი პანორამასთან“ ახლოს მდებარეობს მთაწმინდის პარკი, ტექნოპარკი, ასევე, დაგეგმილია გასართობი და დასასვენებელი ახალი სივრცეების შექმნა. „ეს ყველაფერი წავკისის პოტენციალს ზრდის და მას კიდევ უფრო მიმზიდველ ადგილად აქცევს როგორც იქ ცხოვრების მსურველთათვის, ასევე ინვესტორებისთვის“, – აცხადებს გეგი ვასაძე.
ამასთან, უბნის 98-ვე ნაკვეთის ერთი მხრიდან თბილისზე იდეალური ხედი იშლება, მეორე მხარეს კი ტერიტორიას ტყის მასივი ესაზღვრება. როგორც უკვე აღვნიშნეთ, სწორი დაგეგმარების მეშვეობით და გარკვეული სტანდარტების დაწესებით, „წავკისი პანორამაში“ არსებული სახლები ერთმანეთს ხედს არ დაუფარავს.
აღსანიშნავია, რომ კომპანია „წავკისი პანორამის“ მცხოვრებლებთან მუდმივ კომუნიკაციას შეინარჩუნებს, რათა, მათი განცხადებით, უბანი კიდევ უფრო დაიხვეწოს, განვითარდეს და მოსახლეების საჭიროებებს მაქსიმალურად მოერგოს. გარდა ამისა, ისინი იღებენ ვალდებულებას „წავკისი პანორამაში“ დაცვის 24-საათიან უზრუნველყოფაზე, ასევე იქ მოწყობილი სპორტული მოედნების, რეკრეაციული ზონისა და გასართობი სივრცეების მოვლა-პატრონობაზე.
როგორც ხედავთ, პროექტის თითოეულ დეტალში მომავალი თაობის ინტერესებია გათვალისწინებული, რამაც მათი ჯანსაღი ფიზიკური და მენტალური განვითარება უნდა უზრუნველყოს. აღნიშნული თვალსაზრისით, „წავკისი პანორამის“ მთავარი უპირატესობა ეკოლოგიურად სუფთა გარემოა, მით უფრო იმის ფონზე, რომ მსოფლიოში ჰაერის დაბინძურების კუთხით საგანგაშო მდგომარეობაა.
ბავშვთა სწორი განვითარებისთვის არანაკლებ მნიშვნელოვანია ფიზიკური აქტივობა, რასაც უბნის ტერიტორიაზე მოწყობილი სპორტული მოედნები შეუწყობს ხელს. საერთო გასართობი და დასასვენებელი სივრცეები კი მათი სოციალიზაციის ხარისხის გაზრდაზე დადებით გავლენას მოახდენს.
„ჩვენი მიზანია, შევქმნათ მაქსიმალურად უსაფრთხო გარემო იმისთვის, რომ მშობლებმა უბნის ტერიტორიაზე ბავშვების მშვიდად გაშვება შეძლონ. ვფიქრობ, მშვიდი და ჰარმონიული გარემო, რომელსაც „წავკისი პანორამის“ სხვადასხვა სივრცე საკუთარ მობინადრეებს შესთავაზებს, უბანში სოციალიზაციის დონეზეც დადებით აისახება, რაც დღეს განსაკუთრებით მნიშვნელოვანია“, – აღნიშნავს „წავკისი პანორამის“ მმართველი პარტნიორი.
ამ ეტაპზე, პროექტში გასაყიდად მხოლოდ სამი მიწის ნაკვეთია დარჩენილი. უბანში აქტიურად მიმდინარეობს 10-ზე მეტი სახლის მშენებლობა, რაც იმას ნიშნავს, რომ „წავკისი პანორამა“ პირველ მაცხოვრებლებს ძალიან მალე შეიძენს. მათ შორის კი იქნებიან ადამიანები, რომელთათვისაც კომფორტთან ერთად, ჯანსაღ და უსაფრთხო გარემოში ცხოვრება პრიორიტეტს წარმოადგენს.
„პროექტი სრულიად პასუხობს თანამედროვე ცხოვრების სტილის ადამიანების მოთხოვნილებებს, ვისთვისაც მნიშვნელოვანია ეკოლოგიური მდგომარეობა, კეთილმოწყობილი ინფრასტრუქტურა, უსაფრთხოება და კომფორტული საცხოვრებელი გარემო“, – გვეუბნება საუბრის დასასრულს გეგი ვასაძე.
S