საქართველოს ტურიზმის ეროვნული ადმინისტრაცის ინფორმაციით, 2019 წლის ნოემბერში საქართველოში 670 122 ვიზიტორი შემოვიდა, საიდანაც 338 831 იყო ტურისტი (24 საათზე მეტ ხანს გაჩერდა საქართველოში). წინა წლებში, ნოემბერში ასეთი რაოდენობის ან მეტი ტურისტი არასდროს შემოსულა.
2018 წლის ნოემბერთან შედარებით, წელს ოქტომბერში 12%-ით (71 810 კაცით) მეტი ვიზიტორი შემოვიდა, ხოლო ტურისტების რაოდენობა 10.3%-ით (31 559 კაცით) არის გაზრდილი. ვიზიტორების რაოდენობა ყველაზე მეტად სომხეთდან, თურქეთიდან, ისრაელიდან, აზერბაიჯანიდან, ევროკავშირიდან და ყაზახეთიდან გაიზარდა.
ნოემბერში რუსეთიდან 82 029 ვიზიტორი შემოვიდა, რაც 11%-ით ნაკლებია 2018 წლის ნოემბრის მაჩვენებელზე.
11 თვის ჯამში, იანვარ-ნოემბერში ტურისტების რაოდენობა 6.3%-ით, ხოლო ვიზიტორების რაოდენობა 7.2%-ით გაიზარდა. საქართველოში უკვე ჩამოვიდა 8.7 მილიონი ვიზიტორი, საიდანაც 4.8 მილიონი იყო ტურისტი.
ცხრილი: 10 ქვეყანა, საიდანაც ნოემბერში ყველაზე მეტი ვიზიტორი შემოვიდა
ქვეყანა | 2018: ნოემბერი | 2019: ნოემბერი |
სომხეთი | 98,831 | 116,712 |
აზერბაიჯანი | 106,105 | 114,657 |
რუსეთი | 92,055 | 82,029 |
თურქეთი | 65,237 | 81,736 |
ისრაელი | 9,749 | 13,287 |
უკრაინა | 11,216 | 13,000 |
ირანი | 16,541 | 10,954 |
ყაზახეთი | 3,422 | 9,214 |
პოლონეთი | 2,639 | 4,760 |
ინდოეთი | 3,539 | 4,078 |
