საქართველოში საერთაშორისო მოგზაურების რაოდენობა წლიდან წლამდე მზარდ ტრენდს ინარჩუნებს. 2018 წლის 11 თვეში ტურისტების რაოდენობა 17.2%-ით, ხოლო ვიზიტორების რაოდენობა 10.6%-ით გაიზარდა და ქვეყანაში სულ 8.1 მილიონი სტუმარი შემოვიდა. აქედან ტურისტი 4.5 მილიონი იყო.
ტრადიციულად, საქართველოში ყველაზე ხშირად რეგიონის ქვეყნების რეზიდენტები სტუმრობენ, თუმცა ამჯერად გადავწყვიტეთ, ის ქვეყნები გვეჩვენებინა, საიდანაც საქართველო მინიმალური რაოდენობის მოგზაურებს იზიდავს. მათ შორის მსოფლიოს 4 ქვეყნიდან 2018 წელს საქართველოში მხოლოდ თითო-თითო ვიზიტორი შემოვიდა – საფრანგეთის გვინეიდან, ვანუატუდან, პაპუა-ახალი გვინეიდან და სოლომონის კუნძულებიდან.
