წლევანდელ FIFA-ს მსოფლიო ჩემპიონატზე ბევრი სიახლე ვიხილეთ. ტურნირის 96-წლიან ისტორიაში პირველად მასში 48 გუნდი მიიღო მონაწილეობა. ეს ასევე პირველი მსოფლიო ჩემპიონატი იყო, რომელიც სამ ქვეყანაში (აშშ, კანადა და მექსიკა), რეკორდულ 16 ქალაქში გაიმართა.
ასევე, ეს იყო პირველი ტურნირი, სადაც მონაწილეობა მიიღო ფეხბურთელმა $2-მილიარდიანი კარიერული შემოსავლით: კრიშტიანუ რონალდუმ, პორტუგალიის ეროვნული ნაკრების 41 წლის კაპიტანმა.
FIFA-მ ცოტა ხნის წინ ნიუ-ჯერსის MetLife-ის სტადიონზე 19 ივლისის ფინალის ბილეთი რეკორდულ $32,970-ად გამოიტანა. ფინალის ბილეთის ეს ფასი წინა რეკორდულის სამმაგ ფასზე ოდნავ ნაკლებია.
მსოფლიოს უმდიდრეს ადამიანებსაც კი შეიძლება კარგად დაფიქრება მოუწიოთ მეორად ბაზარზე ბილეთების შეძენისას — აპრილში, FIFA-ს გადაყიდვის საიტზე ფინალზე დასწრების ოთხი ადგილიდან თითოეული $2.3 მილიონზე ოდნავ ნაკლები ღირდა (სექცია 124, რიგი 45, ადგილები 33-36).
ქვემოთ გაეცნობით 11 ყველაზე მაღალანაზღაურებად ფეხბურთელს, რომლებიც მონაწილეობდნენ 2026 წლის FIFA-ს მსოფლიო ჩემპიონატზე:
| # | ფეხბურთელი | ეროვნება | ასაკი | სულ შემოსავალი | მოედანზე | მოედნის გარეთ |
| 1 | კრიშტიანუ რონალდუ | პორტუგალია | 41 | $300 მლნ | $235 მლნ | $65 მლნ |
| 2 | ლიონელ მესი | არგენტინა | 38 | $140 მლნ | $70 მლნ | $70 მლნ |
| 3 | კილიან მბაპე | საფრანგეთი | 27 | $95 მლნ | $70 მლნ | $25 მლნ |
| 4 | ერლინგ ჰალანდი | ნორვეგია | 25 | $80 მლნ | $60 მლნ | $20 მლნ |
| 5 | ვინისიუს უმცროსი | ბრაზილია | 25 | $60 მლნ | $40 მლნ | $20 მლნ |
| 6 | მოჰამედ სალაჰი | ეგვიპტე | 34 | $55 მლნ | $35 მლნ | $20 მლნ |
| 7 | სადიო მანე | სენეგალი | 34 | $54 მლნ | $50 მლნ | $4 მლნ |
| 8 | ჯუდ ბელინგემი | ინგლისი | 22 | $44 მლნ | $29 მლნ | $15 მლნ |
| 9 | ლამინ იამალი | ესპანეთი | 18 | $43 მლნ | $33 მლნ | $10 მლნ |
| 10 | ჰარი კეინი | ინგლისი | 32 | $41 მლნ | $29 მლნ | $12 მლნ |
| 11 | ნეიმარი | ბრაზილია | 34 | $38 მლნ | $10 მლნ | $28 მლნ |
Forbes Georgia: სარედაქციო გუნდი
