ლარის კურსმა 2.22-ს მიაღწია

ლარის კურსმა 2.22-ს მიაღწია

გასული კვირის პარასკევიდან ლარი სწრაფად უფასურდება. დღეს ოფიციალური კურსი დოლარის მიმართ 2.18-ია, თუმცა ბანკთაშორის სავალუტო ბირჟაზე 2.22-სა და 2.23-ს შორის მერყეობს. აღსანიშნავია, რომ მიმდინარე წლის თებერვლიდან 11 ივნისადმე ლარს გამყარების ტენდენცია ჰქონდა და ეროვნულმა ბანკმა კურსის გამყარების ტემპის შესანელებლად მარტ-ივნისში 258 მლნ დოლარი შეისყიდა, რეფინანსირების განაკვეთი კი 8%-დან 7%-მდე შეამცირა, შეამცირა ლარში რეზერვირების ნორმაც.

ერთ მხრივ, საქართველოს ეკონომიკას სჭირდება ლარის მასის ზრდა (ეკონომიკური ზრდის დაფინანსებისთვის) და მეორე მხრივ, ჯერ-ჯერობით ლარის კურსმა ვერ მიაღწია წონასწორობის მყარ ნიშნულს და მონეტარული პოლიტიკის შერბილებას (რაც გამოიხატა ბოლო 2 თვეში ლარის მასის 300 მლნ-ით ზრდაში) მნიშვნელოვანი გავლენა აქვს ლარის კურსზე.

ლარის კურსზე მოქმედ საგარეო ფაქტორებს რაც შეეხება, უცნობია ივნისში რა ტენდენციები გვაქვს ამ მიმრთულებით (სტატისტიკა ივლისიდან გამოქვეყნდება). სავარაუდოდ, დოლარის მნიშვნელოვანი მოცულობით გადინებას აქვს ადგილი.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.