საქართველოს ტურიზმის ეროვნული ადმინისტრაციის ინფორმაციით, 2021 წლის მაისში 2020 წლის მაისთან შედარებით, საქართველოში შემოსულ ტურისტთა რაოდენობა 264%-ით (67,000 ტურისტით) გაიზარდა. 2021 წლის მაისში 96,502 ტურისტი შემოვიდა. ვიზიტორების რაოდენობა, რომელიც ტურისტებთან ერთად, ტრანზიტს და სხვა კატეგორიებს მოიცავს, მაისში 180%-ით გაიზარდა და ჯამში 109,359 ვიზიტორი შემოვიდა.
2019 წელთან შედარებით, ტურისტების და ვიზიტორების რაოდენობა ჯერ კიდევ მნიშვნელოვნად არის შემცირებული. 2021 წლის მაისში 85% ნაკლები ვიზიტორი და 77%-ით ნაკლები ტურისტი შემოვიდა, ვიდრე 2019 წლის მაისში.
ხუთი თვის ჯამში, 2020 წლის იანვარ-მაისთან შედარებით, ტურისტების რაოდენობა 65%-ით, ხოლო ვიზიტორების რაოდენობა 77%-ითაა შემცირებული.
მაისში ვიზიტორების რაოდენობა ყველაზე მეტად ისრაელიდან, უკრაინიდან, რუსეთიდან, თურქეთიდან და ყაზახეთიდან გაიზარდა.
10 ქვეყანა, საიდანაც მაისში შემოსული ტურისტების რიცხვი ყველაზე მეტად გაიზარდა
ქვეყანა | 2021 წლის მაისი | ცვლილება |
| ისრაელი | 11,244 | 11,199 |
| უკრაინა | 11,533 | 10,530 |
| რუსეთი | 10,818 | 7,041 |
| თურქეთი | 21,855 | 5,992 |
| ყაზახეთი | 4,664 | 4,290 |
| აზერბაიჯანი | 5,704 | 2,428 |
| უზბეკეთი | 2,528 | 2,208 |
| სომხეთი | 9,863 | 2,060 |
| ბელარუსი | 2,349 | 1,606 |
| ინდოეთი | 1,496 | 1,485 |
წყარო: საქართველოს ტურიზმის ეროვნული ადმინისტრაცია
ფოტო: Food, Fun & Travel
დატოვე კომენტარი
