ოქტომბერში უცხოური ვალუტის რეზერვები 218 მილიონი დოლარით შემცირდა

ოქტომბერში უცხოური ვალუტის რეზერვები 218 მილიონი დოლარით შემცირდა

2019 წლის ოქტომბერში, წინა თვესთან (სექტემბერთან) შედარებით, საქართველოს ეროვნული ბანკის უცხოური ვალუტის რეზერვები 218 მილიონი დოლარით (6.4%-ით) შემცირდა და 3.2 მილიარდი დოლარი შეადგინა. რეზერვების მოცულობა დაახლოებით მიმდინარე წლის იანვრის მაჩვენებელს დაუბრუნდა. ოქტომბერში რეზერვების კლება უცხოურ ვალუტაში მოზიდულ სახსრებზე სარეზერვო ნორმის 30%-დან 25%-მდე შემცირებამ და სამთავრობო ოპერაციებმა განაპირობა.

ბოლო ერთ წელიწადში უცხოური ვალუტის რეზერვები 293 მილიონი დოლარით (10%-ით) არის გაზრდილი.

2019 წლის 31 ოქტომბრის მდგომარეობით არსებული 3.2 მილიარდი აშშ დოლარის რეზერვებიდან 2.7 მილიარდი დოლარი ფასიან ქაღალდებშია განთავსებული, ხოლო 494 მილიონი დოლარი ნაღდი უცხური ვალუტა და დეპოზიტებია.

გრაფიკი: უცხოური ვალუტის ოფიციალური რეზერვები, მილიონი აშშ დოლარი

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.