რუსული Sberbank-ი ფულის გასესხებას ჩინურ ვალუტაში იწყებს

რუსული Sberbank-ი ფულის გასესხებას ჩინურ ვალუტაში იწყებს

ერთ-ერთი უმსხვილესი რუსული ბანკის, Sberbank-ის ინფორმაციით, მან ფულის გასესხება ჩინურ ვალუტაში, იუანში დაიწყო. ამის შესახებ ინფორმაცია მედიასააგენტო Reuters-მა გაავრცელა.

როგორც ჩანს, აღნიშნული ნაბიჯით მოსკოვი ფინანსური ინფრასტრუქტურის იმ ქვეყნებში განვითარებას ცდილობს, რომლებმაც რუსეთს უკრაინაში შეჭრის გამო სანქციები არ დაუწესეს.

Sberbank-ის აღმასრულებელი საბჭოს თავმჯდომარის პირველი მოადგილის, ალექსანდრ ვედიახინის თქმით, ბანკმა ჩინური იუანის გასესხების გადაწყვეტილება ვალუტაზე მაღალი მოთხოვნის გამო მიიღო. ვედიახინმა აღნიშნულთან დაკავშირებით ვლადივოსტოკში გამართულ “აღმოსავლეთის ეკონომიკურ ფორუმზე” ჟურნალისტებთან ისაუბრა.

 

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.