სახელმწიფო ხაზინის ინფორმაციით, 2017 წლის საქართველოს ნაერთ ბიუჯეტში, რომელიც სახელმწიფო ბიუჯეტს და ადგილობრივი ტერიტორიული ერთეულების ბიუჯეტებს მოიცავს, პრივატიზაციის შედეგად 355 მილიონი ლარი შევიდა. აქედან, სახელმწიფო ბიუჯეტის შემოსავალმა 105 მილიონი ლარი, ხოლო ადგილობრივი ბიუჯეტების შემოსავალმა 68 მილიონი ლარი შეადგინა. სახელმწიფო ბიუჯეტში პრივატიზაციიდაან შემოსავალი ძირითადად შენობებისა და ნაგებობების გაყიდვიდან შევიდა, ხოლო ადგილობრივ ბიუჯეტებში მიწის გაყიდვიდან.
სახელმწიფო ბიუჯეტში პრივატიზაციიდან მისაღები თანხების გეგმა 107.5%-ით შესრულდა, ხოლო 2016 წელთან შედარებით პრივატიზაციიდან შემოსავალი 23 მილიონი ლარით არის შემცირებული (ნაერთ ბიუჯეტში).
ცხრილი: სახელმწიფოს შემოსავალი არაფინანსური აქტივების გაყიდვიდან (პრივატიზაციიდან)
(მილიონ ლარებში) | სახელმწიფო ბიუჯეტში | ადგილობრივი ტერიტორიული ერთეულის ბიუჯეტი | ჯამი |
სულ | 105 | 68 | 173 |
ძირითადი აქტივების გაყიდვიდან | 102.5 | 17.2 | 119.7 |
მათ შორის: შენობებისა და ნაგებობების გაყიდვიდან | 101.4 | 17 | 118.4 |
მიწის გაყიდვიდან | 3.1 | 49.6 | 52.7 |
