2017 წელს საქართველოს იმპორტმა 7 979 მლნ, ხოლო ექსპორტმა 2 728 მლნ დოლარი შეადგინა. შესაბამისად, ქვეყნის სავაჭრო ბალანსი (ექსპორტს გამოკლებული იმპორტი) უარყოფითი იყო – 5 252 მლნ დოლარით. მიუხედავად მაღალი სავაჭრო დეფიციტისა, 2017 წელს საქართველოს 44 ქვეყანასთან დადებითი სავაჭრო ბალანსი ჰქონდა.
საქართველოს 2017 წელს ყველაზე მაღალი დადებითი სავაჭრო ბალანსი უზბეკეთთან ჰქონდა – 57.2 მლნ დოლარი. უზბეკეთში საქართველოს ექსპორტმა 64 მლნ, ხოლო იმპორტმა 6.8 მლნ დოლარი შეადგინა. მეორე ადგილზე ერაყია 28.3 მლნ დოლარით. შემდეგ შვეიცარია და ბულგარეთი მოდის 23.4-23.3 მლნ დოლარის დადებითი სავაჭრო სალდოთი. ევროკავშირის ქვეყნებიდან საქართველოს ყველაზე დიდი სავაჭრო ბრუნვა ბულგარეთთან აქვს. გასულ წელს, ბულგარეთში 179 მლნ დოლარის პროდუქცია გავიტანეთ, ხოლო 155.5 მლნ დოლარის შემოვიტანეთ.
ცხრილი: ქვეყნები, რომლებთანაც საქართველოს ყველაზე მაღალი დადებითი სავაჭრო ბალანსი აქვს
| ქვეყანა | დადებითი ბალანსი |
1 | უზბეკეთი | 57.2 |
2 | ერაყი | 28.3 |
3 | შვეიცარია | 23.4 |
4 | ბულგარეთი | 23.3 |
5 | ყაზახეთი | 21.8 |
6 | მექსიკა | 8.6 |
7 | ყირგიზეთი | 7.4 |
8 | გიბრალტარი | 6.3 |
9 | ანგოლა | 6.3 |
10 | პერუ | 3.8 |
წყარო: საქსტატი
