საქართველოს სახელმწიფო ხაზინის ინფორმაციით, მიმდინარე წლის იანვარ-მაისში საქართველოს ნაერთი ბიუჯეტის საგადასახადო შემოსავლებმა 3.9 მილიარდი ლარი შეადგინა, რაც 14%-ით (478 მლნ ლარით) მეტია 2016 წლის იანვარ-მაისის მაჩვენებელზე.
ბიუჯეტის საგადასახადო შემოსავლების ზრდა ძირითადად საშემოსავლო გადასახადიდან, აქციზიდან და დამატებული ღირებულების გადასახადიდან მიღებულმა შემოსავლების ზრდამ განაპირობა. თუმცა, შემცირებულია სხვა გადასახადებიდან შემოსავალი, რაც მეთოდოლოგიური ცვლილებითაა განპირობებული, 2016 წელს საშემოსავლო და დამატებული ღირებულების გადასახადების ნაწილი სხვა გადასახადების მუხლში აისახებოდა.
ცხრილი: ნაერთი ბიუჯეტის საგადასახადო შემოსავლები
მლნ. ლარი | 2016 | 2017 | ზრდა |
იანვარი-მაისი | იანვარი-მაისი | ||
გადასახადები სულ | 3410 | 3888 | 478 |
საშემოსავლო გადასახადი | 871 | 1236 | 365 |
მოგების გადასახადი | 458 | 393 | -65 |
დამატებული ღრებულების გადასახადი | 1221 | 1587 | 367 |
აქციზი | 395 | 556 | 161 |
საბაჟო გადასახადი | 40 | 29 | -11 |
ქონების გადასახადი | 39 | 33 | -6 |
სხვა გადასახადები | 387 | 55 | -332 |
წყარო: სახელმწიფო ხაზინა
