შრომის, ჯანმრთელობისა და სოციალური დაცვის სამინისტროს ბიუჯეტის მიმდინარე წლის პირველი 9 თვის გეგმა 49 მილიონი ლარით არის გაზრდილი. ჯანდაცვის ხარჯების თავდაპირველი გეგმა კიდევ 13 მილიონი ლარით გაიზარდა და ჯამში 9 თვის გეგმა 74 მილიონი ლარით არის გაზრდილი. მათ შორის, საყოველთაო ჯანდაცვის პროგრამის 9 თვის გეგმა 67.3 მილიონი ლარით გაიზარდა.
აქვე აღსანიშნავია, რომ საყოველთაო ჯანდაცვის წლიური ბიუჯეტი 470 მილიონი ლარია. აქედან, პირველ სამ კვარტალში გამოიყო 420 მილიონი ლარი, მე-4 კვარტალში დასახარჯი რჩება მხოლოდ 50 მილიონი ლარი, როცა საშუალო კვარტალური ხარჯი 140 მილიონი ლარია. შესაბამისად, მე-4 კვარტალში აღნიშნული პროგრამის ბიუჯეტი დაახლოებით 90 მილიონი ლარით იქნება გასაზრდელი.
საქართველოს შრომის, ჯანმრთელობისა და სოციალური დაცვის სამინისტროს 9 თვის ბიუჯეტის პირვანდელი და კორექტირებული გეგმები:
ბიუჯეტის მუხლები | გეგმა 1 | გეგმა 2 | სხვაობა |
სამინისტროს ბიუჯეტი სულ | 2078.4 | 2127.5 | 49.1 |
პროგრამების მართვა | 39.4 | 36.4 | -3 |
პენსია და სოციალური დახმარება | 1523.5 | 1503.1 | -20.4 |
პენსია | 1039.5 | 1032 | -7.5 |
სოციალური დახმარება | 469.2 | 457.2 | -12 |
ჯანდაცვა | 491.6 | 565.5 | 73.9 |
საყოველთაო ჯანდაცვა | 352.2 | 419.5 | 67.3 |
საზოგადოებრივი ჯანდაცვა | 39.3 | 42 | 2.7 |
სამედიცინო მომსახურება პრიორიტეტულ სფეროებში | 99.3 | 103.4 | 4.1 |
სამედიცინო დაწესებულებათა რეაბილიტაცია და აღჭურვა | 21.3 | 21.3 | 0 |
შრომისა და დასაქმების სისტემის რეფორმების პროგრამა | 2.6 | 1.2 | -1.4 |
