იანვარში საქართველოს ექსპორტი ევროკავშირში გაიზარდა, რუსეთში კი შემცირდა

იანვარში საქართველოს ექსპორტი ევროკავშირში გაიზარდა, რუსეთში კი შემცირდა

საქართველოს სტატისტიკის ეროვნული სამსახურის წინასწარი მონაცემებით, 2018 წლის იანვარში 2017 წლის იანვართან შედარებით, საქართველოდან საქონლის ექსპორტი 25.7%-ით (45.4 მლნ დოლარით) გაიზარდა. ევროკავშირის ქვეყნებში ქართული პროდუქციის ექსპორტი 21.4%-ით (+11.3 მლნ დოლარი), აშშ-ში 8-ჯერ (+13.4 მლნ დოლარი), თურქეთში 76%-ით (+12.1 მლნ დოლარი), აზერბაიჯანში კი 116%-ით (+11 მლნ დოლარი) გაიზარდა. ქართული პროდუქციის ექსპორტი 11%-ით (-3.6 მლნ დოლარი) შემცირდა რუსეთში, ხოლო 43.4%-ით (-7.8 მლნ დოლარი) ჩინეთში. თუმცა, ქვეყნების მიხედვით, რუსეთმა საქართველოს ექსპორტში პირველობა შეინარჩუნა.

იანვარში ევროკავშირის ქვეყნებში სულ 64.2 მლნ დოლარის ქართული პროდუქცია შევიდა. ყველაზე მაღალი ზრდა დაფიქსირდა საფრანგეთში (+11.2 მლნ დოლარი), ბულგარეთში (+3.5 მლნ დოლარი), ლიტვაში (+3.2 მლნ დოლარი) და ჩეხეთში (+2.5 მლნ დოლარი).

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.