სტატისტიკის ეროვნულმა სამსახურმა საქართველოს 2016 წლის რეგიონული მთლიანი შიდა პროდუქტი (მშპ) გამოაქვეყნა. მშპ ქვეყნის ეკონომიკის სიდიდის გამომხატველი მაჩვენებელია. 2016 წელს თბილისის ეკონომიკამ 16.6 მილიარდი ლარი, საქართველოს ეკონომიკის 49% შეადგინა. თბილისის შემდეგ ყველაზე დიდი ეკონომიკა იმერეთის, რაჭა-ლეჩხუმის და ქვემო სვანეთის არის – 10%. მესამე ადგლზე კი აჭარაა 9%-ით. ყველაზე მცირე ეკონომიკა გურიას აქვს – 747 მლნ მლნ ლარი (2%).
2016 წელს, ნომინალურ გამოსახულებაში (მიმდინარე ფასებში), ყველაზე მეტად აჭარის ეკონომიკა გაიზარდა – 13.9%-ით. შემდეგ მოდის შიდა ქართლი და მცხეთა-მთიანეთი 13.8%-ით. თბილისის ეკონომიკა 6.3%-ით გაიზარდა. მხოლოდ გურიის ეკონომიკა შემცირდა 0.6%-ით.
ცხრილი: საქართველოს 2016 წლის რეგიონული მშპ
რეგიონი | მლნ ლარი | წილი ეკონომიკაში |
თბილისი | 16,591 | 49% |
იმერეთი, რაჭა-ლეჩხუმი და ქვემო სვანეთი | 3,567 | 10% |
აჭარა | 2,899 | 9% |
ქვემო ქართლი | 2,725 | 8% |
სამეგრელო-ზემო სვანეთი | 2,396 | 7% |
შიდა ქართლი და მცხეთა-მთიანეთი | 2,103 | 6% |
კახეთი | 1,973 | 6% |
სამცხე-ჯავახეთი | 1,025 | 3% |
გურია | 747 | 2% |
მთლიანი შიდა პროდუქტი | 34,028 | 100% |
