უკრაინა NASAMS-ის ჰაერსაწინააღმდეგო თავდაცვით სისტემებს ნოემბრიდან მიიღებს

უკრაინა NASAMS-ის ჰაერსაწინააღმდეგო თავდაცვით სისტემებს ნოემბრიდან მიიღებს

ამერიკის შეერთებული შტატების თავდაცვის მდივნის, ლოიდ ოსტინის მიერ გავრცელებული ინფორმაციის თანახმად, უკრაინის არმია NASAMS-ის ჰაერსაწინააღმდეგო თავდაცვითი სისტემის პირველ ორ პარტიას ნოემბრის დასაწყისში მიიღებს.

„ამჟამად უკრაინელებს ყველაზე მეტად ჰაერსაწინააღმდეგო შესაძლებლობების გაძლიერება სჭირდებათ“, – განაცხადა ლოიდ ოსტინმა.

საინტერესოა, რომ 25 ოქტომბერს, NASAMS-ების მწარმოებელი კომპანიის, Raytheon-ის აღმასრულებელი დირექტორის მიერ გავრცელებული განცხადების თანახმად, სამხედრო კონტრაქტორმა ჰსთ სისტემების ბატარეები აშშ-ის მთავრობას უკვე გადასცა.

ცნობისათვის, NASAMS-ი საკუთარ სეგმენტში ერთ-ერთი ყველაზე ფართოდ გამოყენებადი ჰაერსაწინააღმდეგო თავდაცვითი სისტემაა. Raytheon-ისა და Kongsberg-ის პარტნიორობით წარმოებულ სისტემას სამიზნის აღმოჩენა და განადგურება ძალიან ეფექტიანად შეუძლია. სისტემა გამოიყენება როგორც სამხედრო თვითმფრინავების, ისე უპილოტო საფრენი აპარატებისა და რაკეტების გასანეიტრალებლად.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *