საქართველოს ეროვნულმა ბანკმა საქართველოში მოქმედი კომერციული ბანკების მიმდინარე წლის პირველი კვარტლის ფინანსური მაჩვენებლები გამოაქვეყნა. ბანკების მოგება-ზარალის უწყისებიდან ირკვევა, რომ პირველ კვარტალში ყველაზე მეტი წმინდა მოგება – 107.7 მლნ ლარი „თიბისი ბანკს“ ჰქონდა, რომელიც 62%-ით მეტია 2017 წლის პირველი კვარტლის მოგებაზე. მეორე ადგილზე „საქართველოს ბანკია“ 74.8 მლნ ლარით, რაც 37%-ით ნაკლებია წინა წლის პირველი კვარტლის მოგებაზე. მესამეზე „ლიბერთი ბანკია“ 15 მლნ ლარის მოგებით.
წმინდა მოგების ზრდის ტემპით პირველ ადგილზეა „სილქ როუდ ბანკი“, რომლის მოგებაც 232%-ით გაიზარდა და 20 ათასი ლარი შეადგინა. 119%-ით შემცირდა „ბანკი ქართუს“ მოგება და -1 მლნ ლარი შეადგინა. ის ერთადერთი ბანკია, რომელმაც პირველი კვარტალი ზარალით დაასრულა.
პირველ კვარტალში ყველა ბანკმა ერთად 234 მლნ ლარის წმინდა მოგება ნახა, რომლის 84% სამ მსხვილ ბანკზე მოდის. 2017 წლის პირველ კვარტალთან შედარებით ბანკების ჯამური მოგება 9%-ით არის შემცირებული.
| ბანკის დასახელება | 2017 წლის პირველი კვარტლის მოგება, მლნ ლარებში | მოგების ცვლილება 2017 წლის პირველ კვარტალთან შედარებით |
1 | თიბისი ბანკი | 107.7 | 62% |
2 | საქართველოს ბანკი | 74.8 | -37% |
4 | ლიბერთი ბანკი | 15.0 | 54% |
3 | ვითიბი ბანკი ჯორჯია | 9.1 | -11% |
5 | პროკრედიტ ბანკი | 8.1 | 141% |
6 | ბაზისბანკი | 7.2 | -10% |
7 | ტერაბანკი | 6.2 | 14% |
8 | ხალიკ ბანკი | 3.4 | -11% |
9 | აზერბაიჯანის საერთაშორისო ბანკი | 0.9 | -47% |
11 | პაშა ბანკი | 0.9 | -39% |
12 | კრედო ბანკი | 0.9 | -46% |
10 | ზირაათ ბანკი | 0.6 | 16% |
13 | ფინკა ბანკი | 0.6 | 114% |
15 | სილქ როუდ ბანკი | 0.0 | 232% |
14 | იშ ბანკი | 0.0 | 93% |
16 | ბანკი ქართუ | -1.0 | -119% |
ყველა ბანკი | 234 | -9% | |
წყარო: საქართველოს ეროვნული ბანკი
